32-vjeçari thyen arrestin e shtëpisë dhe shkon të dhunojë ish-bashkëshorten

Një 32-vjeçar ka thyer arrestin e shtëpisë dhe ka dhunuar ish-bashkëshorten e tij në Kavajë.

Në vijim të veprimeve u vunë nën hetim edhe G. B dhe F. V., pasi kanë ndërhyrë gjatë konfliktit duke e goditur K. D., i cili ndodhet në spital, jashtë rrezikut për jetën. K. D. ishte në arrest shtëpie për veprën penale “Plagosje e lehtë në bashkëpunim”.

Kavajë

Specialistët për Hetimin e Krimit në Komisariatin e Policisë Kavajë, bënë arrestimin në flagrancë të shtetasit K. D., 32 vjeç, banues në Rrogozhinë. Arrestimi i këtij shtetasi u bë pasi duke thyer masën e sigurisë “Arrest në shtëpi” gjatë një konflikti për motive të dobëta ka ushtruar dhunë fizike dhe psikologjike ndaj ish-bashkëshortes së tij e cila u pajis me Urdhër të Menjëhershëm të Mbrojtjes. Në vijim të veprimeve u proceduan penalisht në gjendje të lirë edhe shtetasit G. B dhe F. V., pasi kanë ndërhyrë gjatë konfliktit nëpërmjet shtetasve të lartpërmendur duke goditur shtetasin K. D., i cili ndodhet në spital, jashtë rrezikut për jetën. Materialet i kaluan Prokurorisë pranë Gjykatës së Shkallës së Parë së Rrethit Gjyqësor Kavajë, për veprat penale “Dhuna në familje” dhe “Largim i të burgosurit nga vendi i qëndrimit” në ngarkim të shtetasit K. D (i arrestuar) dhe për veprën penale “Plagosje e lehtë në bashkëpunim” në ngarkim të shtetasve G. B dhe F. V, të proceduar në gjendje të lirë.