34 qendra shëndetësore verore në bregdet dhe zonat malore

Edhe këtë vit janë 34 qendra shëndetësore verore të hapura, kjo për t’iu përgjigjur nevojave shëndetësore të pushuesve. Ky shërbim ka nisur punën nga 1 qershori dhe do të vijojë deri në fund të shtatorit.

Jeta Deda, drejtuese e Operatori të kujdesit shëndetësor, siguron se në çdo qendër do të jenë në shërbim të pacientëve mjekë dhe infermierë të licencuar. Këtë vit kërkesat nga mjekët e rinj për të punuar në qendrat verore kanë qenë më të larta.

Qendrat shëndetësore verore janë pikat ku pushuesit dhe turistët marrin ndihmën e parë për problemet nga vapa, pickimet e ndryshme apo shqetësime të tjera. Në varësi të situatës, rastet i referohen spitaleve rajonale ose Urgjencës Kombëtare nëse kanë nevojë për ndërhyrje të menjëhershme.