4 koalicionet e mundshme për zgjedhjet e 11 majit

Gazetari Ardit Hoxha tregoi në Barometri në ”Euronews Albania”, për 4 koalicionet e mundshme që do të garojnë për zgjedhjet e 11 majit. Për të partia Mundësia dhe Lëvizja Bashkë pritet të dalin të vetme në zgjedhje.

”Një nga koalicionet e opozitës është ai i prirë nga PD, PL, PR dhe disa parti të tjetra të vogla, koalicioni ku bën pjesë Dashamir Shehi dhe Enkelejd Alibeaj, koalicioni i Shqipëria Bëhet dhe Nisma Thurje, ndërsa partia Mundësua dhe Lëvizja Bashkë pritet të dalin të vetme në zgjedhje.

Kjo do jetë pak a shumë panorama e opozitës në zgjedhje. Nga mazhoranca nëse përfshijmë edhe Partinë Social Demokrate.

Kjo panoramë do na çojë te printimi i fletës së votimit, një datë e rëndësishme është 25 marsi kur pritet të nisë prodhimi i fletës së votimit. Ndryshe nga zgjedhjet e mëparshme kur fleta ka nisur të prodhohet 2-3 javë para ditës së votimi, këtë herë nis me herët që t’u dërgohet votuesve të diasporës”.