Endri Dumani arriti që të ishte në avionin në zbriti në Rinas nga Siria. Paraditja e të martës së shkuar, 13-vjeçarin e gjeti në Shqipëri duke u takuar me nënën pas 6 vite qëndrimi në kampin Al-Hawl. Endri ndodhet tashmë nën kujdesin e shërbimit social shtetëror dhe të psikologëve për t’ja bërë më të lehtë e harruar atë që përjetoi së qëndruari në kampin Al Hol.
Top Channel disponon një video e cila tregon gjendjen aktuale të 13-vjeçarit, 6 ditë pas riatdhesimit. Është një video-bisedë e shkurtër mes Endrit dhe konsullit të përgjithshëm shqiptarë në Liban Marc Ghorayeb, i cili dha këtë koment rreth bisedës që patën.
“Fola me Endrin për tu siguruar që ai është i gëzuar në çdo aspekt dhe nuk i mungon asgjë në jetën e re normale që ka nisur. Ishte një bisedë mes nesh në gjuhën arabe. Endri më tha se ishte i gëzuar me jetën e re dhe se po përshtatet. I premtova se do të vij së shpejti për ta takuar në Shqipëri. Jam duke ndjekur po ashtu me autoritetet shqiptare dhe ato të policisë atë që po ndodh edhe me gruan dhe fëmijët e saj që nxorëm nga kampet e Sirisë”-tha Ghorayeb.
