60 ditë protestë, i moshuari: Rama mbi 1 milion shqiptarë i ka çuar në rrugët e botës

Sot mbushen 60 ditë protestë kundër qeverisë. Nga sheshi ”Skëndërbej”, një i moshuar tha se ka një pension të pamjaftueshëm pasi një kompani e mikut të Edi Ramës e ka siguruar atë vetëm 2 vite nga 12 vite që ai kishte punuar.

Ai deklaroi se edhe pse ka punuar si inxhinier sërish nuk ka pension të lartë. Po ashtu deklaroi se protesta ka vrarë frikën.

”Ky njeri duhet të largohet një orë e më parë. Nuk mund ta quash njeri sespe ka përdhunuar njerëzit e kombit. Unë kam miq në çdo anë të Shqipërisë. S’di si do ta largojmë. Ai është kriminel si Netanyaju, sespe ka vrarë mbi 1 milion shqiptarë duke i çuar në rrugët e botës”, tha ai.