60 mijë pushues nga Kosova hynë në Shqipëri në dy ditë, por kthimi është “makth”

Mijëra qytetarë të Kosovës po kalojnë pushimet në bregdetin shqiptar, por kthimi i tyre shoqërohet me radhë të gjata në pikën e kalimit kufitar Shqipëri-Kosovë. Edhe mbrëmja e kësaj të diele u shoqërua me radhë të mjeteve në hyrje për në Kosovë, pavarësisht procedurës pa kontrolle në kufi.

Nga të dhënat e autoriteteve kufitare rezulton se kjo fundjavë ka shënuar fluksin më të lartë të sezonit veror me mbi 60 mijë pushues nga Kosova dhe mbi 9 mijë automjete të vogla dhe autobusë që kanë hyrë në vendin tonë me destinacion bregdetin.

Kujtojmë se edhe muaji korrik është mbyllur me bilanc pozitiv krahasuar me një vit më parë.