8 policë shqiptarë, pjesë e sigurisë së “Euro 2016”

8 oficerë të policisë shqiptare nisen sot drejt Francës, si pjesë e masave të sigurisë të Kombëtares së futbollit dhe tifozëve kuqezi.

TemA ka mësuar se grupi kryesohet nga Drejtori i Forcës Lëvizëse Operacionale (FLO) Niko Brahimaj dhe ka në përbërje oficerë të INTERPOL, specialistë të rendit dhe të forcave RENEA.

Trupa e policisë shqiptare do të ndihmojë për sigurinë jo vetëm të Kombëtares së futbollit, por edhe të grupimeve të tifozëve, duke shkëmbyer informacion me policitë partnere për mbarëvajtjen e aktivitetit.

Angazhimi i forcave policore shqiptare është parashikuar 18 ditë, por nëse Kombëtarja arrin rezultate pozitive duke kaluar fazën në grupe, atëherë do të shtyhet qëndrimi në Francë.