88-vjeçarja në protestë: Qëndroni të bashkuar dhe ndajeni kafshatën e bukës bashkë

Një e moshuar 88-vjeçare ka marrë fjalën në protestën që po zhvillohet para Kryeministrisë, ku tha se në Shqipëri ka qenë gjithmonë rrëmujë dhe familjet shqiptare kurrë s’kanë qenë të lumtura.

Ajo u kërkoi të rinjve që të qëndrojnë të bashkuar, sëbashku me shqiptarët e Kosovës.

”Jam një nënë 88-vjeçare. Gjithmonë kam parë vetëm rrëmujëra dhe vetëm që fëmijët tonë nuk kanë qenë asnjëherë të lumtur dhe të gëzuar. Edhe Kosova po ashtu. Unë si nënë ju them vetëm kaq, të jeni të bashkuar dhe ta ndani kafshatën bashkë, si me Kosovën, si me Shqipërinë. Ama si nënë ju them edhe këtë tjetrën. Ky mision është vetëm i Zotit”, tha mes të tjerash e moshuara.