Ministrja e Shëndetësisë, Ogerta Manastirliu gjatë një deklarate për mediat ka theksuar se me hapjen e rrugës për furnizimin me vaksina nga Pfizer, do të vazhdohet vaksinimi për 650 mjekët dhe infermierët që kanë marrë dozën e parë.
Prekja e Pëllumb Piperos nga Covid-19, edhe pse mori dozën e parë të vaksinës Pfizer ngriti shumë pikëpyetje, dhe sot teksa kryeministrit dhe mjekë morën dozën e dytë, ministrja Manastirliu është pyetur sesi do të veprohet me rastin e Piperos. ”Pipero është mirë me shëndet. Do të kemi shumë shpejt lajme nga mjekët që e ndjekin. Është gjendje e mirë. Doza e dytë për të do vendoset nga mjekët”.
Nga ana tjetër, Manastirliu tha se janë tre skenarë për këtë proces duke shtuar se me ardhjen e dozave të tjera do të nisë vaksinimi për të moshuarit. Lidhur me variantet e reja të Covid-19, ajo tha se nuk ka raste të identifikuara në Shqipëri dhe vazhdimisht dërgohen jashtë vendit mostra për verifikim.
