A është shenjë e virusit Delta dhimbja e veshit?

Një simptomë dyshuese e raportuar së fundmi është dhimbja e veshit. Duke qenë se infeksionet me variantin Delta janë rritur, natyrshëm lind pyetja: A është dhimbja e veshit simptomë e Covid?

Me siguri mund të jetë. Amesh A. Adalja, një studiues në Qendrën për Sigurinë Shëndetësore të Shkollës së Shëndetit Publik Johns Hopkins, thotë se ai nuk do t’i quante dhimbjet e veshit një simptomë të zakonshme të Covid-19, por nuk është diçka e padëgjuar. “Shumë infeksione të frymëmarrjes, veçanërisht ato që shkaktojnë dhimbje të fytit, ndonjëherë mund të shkaktojnë dhimbje veshi,” tha ai për Health.

Sipas Ellen Wald, një mjeke e sëmundjeve infektive në UWHealth në Wisconsin, dhimbjet e veshit ndodhin gjatë infeksioneve të frymëmarrjes për shkak të lidhjes midis hundës dhe veshëve. Ka një vendkalim të quajtur tubi eustakian që lidh veshët dhe pjesën e pasme të fytit; normalisht, thotë Dr. Wald, tubi i ventilon veshët dhe kullon lëngun prej tyre.

Kur një person ka një infeksion të sipërm të frymëmarrjes (i cili mund të nxitet nga viruse si SARS-CoV-2, virusi që shkakton Covid-19), pasazhet e hundës mund të kullojnë mukusin në fyt dhe fyti mund të dërgojë lëng deri në tubin eustakian. Tubi pastaj mund të bllokohet dhe të ndërhyjë në aftësinë e veshëve për të kulluar lëngun – kjo përfundimisht shkakton dhimbje veshi.

A janë dhimbjet e veshit më të zakonshme për variantin Delta?

Jo të gjithë ata që kanë Covid-19 do të përjetojnë probleme me veshët, por një dhimbje veshi mund të jetë më e zakonshme tani, pasi varianti Delta të rritet. “Duket se Delta ka më shumë simptoma të traktit të sipërm të frymëmarrjes, kështu që ka kuptim që njerëzit me variantin Delta të përjetojnë më shumë simptoma të veshit,” tha për Health Taylor Heald-Sargent, një profesoreshë e pediatrisë e specializuar në sëmundjet infektive, raporton Anabel.

Megjithatë nuk ka ende të dhëna zyrtare që sugjerojnë se varianti Delta shkakton më shumë dhimbje veshi ose infeksione sesa llojet e mëparshme – ose se dhimbja e veshit është një simptomë e zakonshme e Covid-19 fare (mund të keni ftohje).

Sidoqoftë, nëse përjetoni dhimbje veshi të lidhur me simptoma të tjera të frymëmarrjes, të tilla si rrufë ose hundë të bllokura, dhimbje koke, kollë ose dhimbje të fytit – së bashku me ndonjë simptomë tjetër të mundshme të virusit – duhet të bëni testin.