A mjafton shpërblimi i fundvitit për të moshuarit?

683 mijë persona që përfitojnë pension, duke filluar që nga pensioni i pleqërisë, apo edhe ai i invaliditetit si dhe minatorët, naftëtarët, ish ushtarakët etj, që do të shpërblehen me 5 mijë lekë për festat e fundvitit.

Çfarë mendojnë këta të fundit?

“Pak janë, por më mirë se hiç fare. Sa ta marr do avullojë me drita e ujë. Kur e krahason me përfitimet që kanë deputetët, 200 mijë telefoni, 300 mijë nafta, 400 mijë qiraja, ky bonusi ynë duket lëmoshë”.

“Më mirë të na rrisin pensionin 5% çdo vit, sesa na japin bonus”.

“Bonusi më i madh që kemi marrë ka qenë në kohën e Fatos Nanos, 60 mijë lekë. Kurse në kohën e Berishës edhe merrnim edhe jo. Ndoshta kaq fuqi ka shteti, se po përballet me pandeminë”.