Adriatik Lapaj: Një parti e re del në shtator, ja si do të funksionojë

Avokati Adriatik Lapaj bashkë me aktivistë të tjerë. do të formojë një subjekt të ri politik në muajin shtator. Lapaj tha se forca e re do të jetë një Lëvizje, ndërsa fillimisht do të regjistrohet si organizatë.

”Ne jemi lëvizje, jo parti, fillimisht do të regjistrohemi në Gjykatë si Lëvizje. Gjithë këtë e bëjmë për fëmijët tanë, nëse njerëzit duan të bashkohen, të vijnë, nëse janë rehat kështu siç janë, atëherë të rrinë”, tha Lapaj.

I pyetur për mënyrën e operimit të kësaj Lëvizjeje, Lapaj zbuloi se ajo do nisë me takime me qytetarët. “Po e them për herë të parë këtu, do të nisim me takime nga veriu i vendit. Kemi njerëz plot që duan të angazhohen dhe ne do e nisim nga veriu i vendit për të vijuar në gjithë Shqipërinë. Në shtator nisim takimet”, shtoi Lapaj.