Berisha “lëshon” Florian Binajn për Tiranën: Nuk do të jetë kandidat i pavarur

Nisur nga deklaratat e fundit të Berishës, duket Florian Binaj nuk do të jetë kandidat i PD-së për zgjedhjet lokale në Tiranë.

Kreu i PD-së, Berisha u shpreh ditën e sotme se do të vendosë opozita për kandidaturën e Tiranës, por nuk do të jetë kandidat i pavarur.

Kryedemokrati tha se përgatitjet kanë nisur dhe se kandidatët do të prezantohen shumë muaj përpara zgjedhjeve lokale 2027.

“Opozita ka filluar punën dhe së shpejti përfundon procesin e analizës dhe zgjedhjeve brenda partisë. Ndërkohë që po mendohet, po punohet edhe për zgjedhjet lokale. Nuk do të jetë kandidat i pavarur.

Pra nuk do jenë dy muaj përpara, ju siguroj do të jenë shumë më herët se zgjedhjet e fundit dhe ne do të bëjmë gjithçka për kandidaturat më të mira”, tha Berisha.