Agjesohen 120 bimë kanabis në një zonë të pyllëzuar të Tropojës

Asgjësohen 120 rrënjë bimë kanabis në fshatin Shengjergj të  Tropojës. Bimët narkotike u  gjetën të kultivuara në një zonë të pyllëzuar.

Policia i asgjesoi më anë të djegies, ndërsa pesë rrënjë u morën në cilësinë e provës materiale.

Në përfundim të veprimeve të para proceduriale, u procedua në gjendje të lirë inspektori i pyjores  H.H, 57 vjeç, banues në Pac.

Procedimi ndaj tij filloi për veprën penale “Moskallëzimi i krimit”.

Vijon puna për identifikimin dhe kapjen e autorëve të kultivimit të bimëve narkotike.

Materialet i kaluam për veprime të mëtejshme, Prokurorisë së Rrethit Gjyqësor Tropojë.