Agron Shehaj: Drejtoresha e AKSHI-t vidhte para me kuti verërash

Kryetari i Partisë Mundësia Agron Shehaj ka reaguar lidhur me të dhënat e dosjes hetimore të SPAK-ut për ish-drejtoreshën e AKSHI-t Mirlinda Karçanaj, duke i quajtur detaje tronditëse.

Në një postim në rrjetet sociale, Shehaj duke iu referuar dosjes së Prokurorisë së Posaçme shprehet se paratë e qytetarëve shqiptarë vidheshin nga ish-drejtoresha Mirlinda Karçanaj duke u fshehur në kuti vere.

“Paratë e shqiptarëve përfundonin tek drejtoresha, të fshehura në kuti vere. Në një rast, janë zbuluar 200 mijë euro”, shprehet Shehaj.

Shehaj thekson se këto elemente ngrenë dyshime se sa para të taksapaguesve shqiptarë mund të kenë përfunduar në portofolin e kryeministrit Edi Rama, për të cilin kujton se e mbrojti publikisht drejtoreshën e AKSHIt, Mirlinda Karçanaj si e pastrehë.