Aksident i rëndë, tre të plagosur në aksin Levan-Tepelenë

Një aksident i rëndë rrugor ka ndodhur në aksin Levan-Tepelenë, pranë fshatit Buzmadh. Një automjet tip Volkswagen Touran, në të cilin udhëtonin tre persona drejtuesi i mjetit, një grua dhe një i mitur ka humbur kontrollin dhe ka dalë nga rruga. Si pasojë e aksidentit, të tre kanë mbetur të plagosur dhe janë dërguar me urgjencë në Spitalin Rajonal Fier. Burime nga spitali bëjnë me dije se gruaja dhe i mituri ndodhen jashtë rrezikut për jetën, ndërsa drejtuesi i automjetit vijon të jetë në sallën e operacionit, në gjendje të rëndë shëndetësore, nën kujdesin e mjekëve.