Aksident me vdekje në Përrenjas, benzi përplas traktorin, ndërron jetë pasagjeri

Një person ka humbur jetën dhe një tjetër është plagosur si pasojë e një aksidenti automobilistik. Ngjarja ka ndodhur në mesnatë, në Përrenjas, ku mësohet se një makinë tip “Benz” është përplasur me një traktor.

Si pasojë e aksidentit ka humbur jetën një person që ishte brenda në kabinën e traktorit ndersa shoferi i mjetit bujqësor ka mbetur i plagosur.

Policia ka shoqëruar drejtuesin e traktorit, shtetasin Xhevo Dashi, ndërkohë po punohet për zbardhjen e rrethanave të aksidentit.