Aksident në autostradën Lezhë-Milot, dy të plagosur

Një aksident ka ndodhur në autostradën Lezhë-Milot. Mësohet se një motor, i cili ka qenë duke dalë nga një rrugë dytësore për në autostradë, është përplasur nga një makinë.

Në motor ndodheshin dy persona, të cilët kanë marrë disa fraktura në trup si pasojë e goditjes.

Si pasojë e aksidentit ka mbetur i lënduar drejtuesi i motorit, i cili është dërguar në spitalin e Lezhës për të marrë ndihmën e nevojshme mjekësore.