Aksident në Durrës, rëndë një 23-vjeçare nga Tirana

Një vajzë 23-vjeçare nga Tirana ndodhet në gjendje të rëndë në spital si pasojë e një aksidenti në segmentin Plepa-Shkozet.

Mjeti Volkswagen i aksidentuar drejtohej nga 22-vjeçari E.D, banues po në Tiranë, i cili për arsye ende të paqarta ka humbur kontrollin e mjetit duke u përplasur me shpejtësi me trafikndarëset.

Si pasojë e aksidentit u dëmtua shtetasja R.M, e cila ndodhet nën kujdesin e mjekëve, në gjendje të rëndë. Materialet kaluan në Prokurorinë e Rrethit Gjyqësor Durrës, për veprime të mëtejshme.