Një aksident është regjistruar paraditen e sotme në vendin e quajtur “ Ura e Mbrostarit”, në hyrje të Fierit.
Mësohet se dy automjete tip “Nisan” dhe “Volkswagen” janë përplasur me njëra-tjetrën.
Sipas informacioneve paraprake nga vendngjarja drejtuesja femër e mjetit “Volkswagen” ka marrë lëndime të lehta dhe është dërguar në spitalin rajonal të Fierit ku mori ndihmën mjekësore.
Në vendngjarje kanë mbërritur policia dhe grupi hetimor të cilët po punojnë për zbardhjen e shkaqeve të këtij aksidenti.