Aksident në Kolonjë, makina del nga rruga dhe përplaset me pemë

Një aksident është regjistruar në rrethrrotullimin e Kolonjës mëngjesin e sotëm.

Një automjet tip “Audi” ka dalë nga rruga dhe është përplasur me një pemë. Mjeti drejtohej nga një grua, ndërsa ende nuk dihen shkaqet e aksidentit.

Në automjet ndodheshin tre persona, të cilët pas ngjarjes janë transportuar në spitalin e Lushnjës për kontroll mjekësor. Fatmirësisht, të lënduarit janë jashtë rrezikut për jetën.