Aksident në Laç, 36-vjeçari përplas me makinë të moshuarën

Një 36-vjeçar i identifikuar si Agim Lalaj ka përplasur me makinë një 69-vjeçare në Laç.

Shoferi ka përfunduar në prangat e policisë, ndërsa këmbësorja po merr mjekim në Spitalin e Traumës.

“Sektori i Policisë Rrugore arrestoi në flagrancë shtetasin A. L., 36 vjeç, banues në Kurbin, pasi ditën e djeshme, në Laç, duke drejtuar automjetin, ka përplasur shtetasen P. P., 69 vjeçe, banuese në Laç, e cila po merr mjekim në Spitalin e Traumës.”, thotë policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.