Aksident në Peshkopi, makina me shpejtësi “ngre në ajër” këmbësorin

Një aksident rrugor është regjistruar ditën e djeshme në Peshkopi. Në pamjet e publikuara në rrjetet sociale shfaqet një makinë që vjen me shpejtësi dhe përplas një këmbësorin i cili po kalonte rrugën, duke e ngritur disa metra mbi tokë, ndërsa një kalimtar vë duart në kokë nga skena e rëndë.

Sikurse shfaqet në video, fatmirësisht këmbësori nuk ka pësuar lëndime të rënda, dhe është ndihmuar nga qytetarët që ndodheshin në vendngjarje të ngrihet në këmbë.

Shpejtësia është bërë shkak për shumë aksidente në vend, edhe me pasoja të rënda.