Aksident në Tiranë, makina përplas fëmijën 4-vjeç

Një aksident është regjistruar paraditen e sotme në rrugën “Don Bosko”, në kryeqytet. Sipas policisë një makinë ka aksidentuar një fëmijë të mitur 4 vjeç. I mituri ndodher në spital nën kujdesin e mjekëve.

“Më datë 12.05.2021, rreth orës 12:00, në  rrugën “Don Bosko”, mjeti me drejtues shtetasin L. H.,  ka aksidentuar fëmijën  e mitur me iniciale A. S  4 vjeç, i cili ndodhet në spital, nën kujdesin e mjekëve”, njofton policia.

Grupi hetimor vijon punën për sqarimin e rrethanave të ngjarjes.