Aksident pranë tunelit të Llogarasë, barrierat depërtojnë mes për mes mjetit

Këtë të hënë në mbrëmje, një aksident është regjistruar pranë hyrjes të tunelit të Llogarasë, në aksin Orikum-Himarë. Një automjet që po udhëtonte në drejtim të Himarës është përplasur me barrierat metalike anësore të rrugës. Si pasojë e goditjes së fortë, mbrojtëset kanë depërtuar mes për mes mjetit, duke shkaktuar dëme të shumta, ndërsa nuk dihet gjendja e personave në automjet. Nga ana tjetër, në vendngjarje kanë mbërritur menjëherë forcat e policisë, zjarrfikësja dhe autoambulanca, ndërsa po punohet për nxjerrjen e personave nga automjeti dhe zbardhjen e rrethanave të aksidentit.