Aksident tragjik në Shkodër/ Vdes gruaja, burri përfundon në spital në gjendje të rëndë (Emrat)

Një aksident i rëndë me pasojë vdekjen ka ndodhur rreth orës 04:30 të mëngjesit të sotëm, në aksin Shkodër-Hani Hotit, ku ka humbur jetën Hatixhe Delaj, 27 vjeçe, e cila po udhëtonte me bashkëshortin e saj Emirjan Delaj, i cili ndodhet në spital në gjendje të rëndë për jetën.

Drejtuesi i mjetit ka humbur kontrollin e mjetit dhe është përplasur me një makinë të parkuar në anësore të rrugës. Policia ka mbërritur në vendin e ngjarjes dhe po punon për zbardhjen e rrethanave të aksidentit.