Aksidentohet djali i Vangjush Dakos

Ka mbetur i plagosur, por pa rrezik për jetën, në një aksident rrugor, djali i kryebashkiakut të Durrësit, Vangjush Dako. 20- vjeçari Xhulio Dako u aksidentua me automjetin e tij tip “Benz”, pranë rrethrrotullimit të ish- Kënetës, teksa po udhëtonte në drejtim të Tiranës.

Ngjarja ndodhi pak minuta pas mesnatës. I riu pasi mori ndihmen mjekësore në Durrës, u dërgua në Spitalin Ushtarak të Tiranës. Sipas policisë ka dyshime se shkak i ngjarjes ka qenë shpejtësia me të cilën po udhëtonte 20- vjeçari./ABC