Aksioni i RENEA dhe FNSH, arrestohet i shumëkërkuari. Çfarë thotë policia (EMRI)

Paraditen e sotme forcat e policisë RENEA dhe FNSH, kanë kryer kontroll të befasishëm në një banesë në zonën e ‘Komunës së Parisit’ në Tiranë.

Sipas burimeve nga Policia, i shumëkërkuari është arrestua dhe është identifikuar si Barush Bregu, 33 vjeç i lindur në Shkodër.

Bregu është arrestuar për llogari të Policisë së Shkodrës, ku në po të njëjtin qytet kishte disa procedime penale.

Ky shtetas është i dënuar me 4 vite burg për kultivim të bimëve narkotike, e kryer në bashkëpunim, në vitin 2016, si dhe me masë sigurie “Arrest në burg”, për armëmbajtje pa leje , pasi në shtator  të vitit 2018, gjatë një operacioni të zhvilluar nga Policia,  në banesën e këtij shtetasi u gjet një armë zjarri kallashnikov dhe municion luftarak.

Gjithashtu pretendohet se është pjesë e nja bande kriminale.

Përpos Bregut është ndaluar dhe një tjetër i dyshuar si bashkëpuntorë i tij me iniciale B.Ç 21 vjeç.

Informacioni i policisë:

Operacion për kapjen e personave   në kërkim, me rrezikshmëri të lartë shoqërore.

Finalizohet me sukses operacioni policor  “Kompleksi”, Kapet dhe arrestohet një pjestar i një grupi kriminal.

Arrestohet  edhe një  shtetas tjetër për përkrahje të autorit të krimit

Operacioni  nga Policia e Shkodrës, në bashkëpunim me Renean, FNSH  e forcat Shqiponja të Drejtorisë Vendore të Policisë Tiranë.

Operacioni  u zhvillua në lagjen “Komuna e Parisit”, Tiranë, ku në një banesë të marrë me qera u kap dhe u arrestua shtetasi i shpallur në kërkim:

Barush Bregu , 33 vjeç, lindur në Shkodër.

Ky shtetas është i dënuar me 4 vite burg për kultivim të bimëve narkotike, e kryer në bashkëpunim, në vitin 2016, si dhe me masë sigurie “Arrest në burg”, për armëmbajtje pa leje , pasi në shtator  të vitit 2018, gjatë një operacioni të zhvilluar nga Policia,  në banesën e këtij shtetasi u gjet një armë zjarri kallashnikov dhe municion luftarak.

Gjithashtu ky shtetas është i skeduar si pjesëtar i një grupi kriminal dhe është  i dyshuar edhe si autor për ngjarje të tjera të rënda  kriminale të ndodhura në qarkun Shkodër më parë, si dhe autor i dyshuar për “Trafikim të lëndëve narkotike”.

Po gjatë operacionit  u arrestua ne flagrance dhe  shtetasi B. Ç. 21 vjeç, banues në Shkodër për veprën penale “Përkrahja e autorit të krimit”.

Materialet  do ti kalojnë Prokurorisë së Rrethit Gjyqësor Shkodër për veprime të mëtejshme,  për veprat penale të “Mbajtja pa leje dhe prodhimi i armëve, armëve shpërthyese dhe i municionit” dhe “Kultivimi i bimëve narkotike, e kryer në bashkëpunim”.