Aktivisti thirrje klasës politike: Duam një Kushtetutë dhe një qeveri të re teknike!

Në mesin e qytetarëve që mbajtën fjalime në protestën përballë Kryeministrisë në ditën e 73-të, një i ri u ndal te largimi i shqiptarëve gjatë 35 viteve të fundit, duke akuzuar politikën se nuk ka dhënë përgjigje për arsyet që i kanë shtyrë të rinjtë të emigrojnë. Ai kërkoi një ndryshim të thellë politik, duke e cilësuar protestën si zërin e qytetarëve që kërkojnë një tjetër mënyrë qeverisjeje. ”Kjo protestë është sulmuar shumë nga ata që çojnë ujë te pushteti. Dorëheqje! Duam një Kushtetutë të re, një qeveri të re teknike”.