Akuza për vjedhjen e të dhënave të qytetarëve në E-albania, SPAK nis verifikimet

SPAK ka nisur verifikimet për nxjerrjen e të dhënave personale nga Partia Socialiste, me qëllime për të kontrolluar votuesit për zgjedhjet e 25 prillit.

SPAK do të marrë një kopje të të dhënave të qytetarëve. Bëhet e ditur se është duke u verifikuar nëse database me të dhënat e qytetarëve në e-albania është vënë në funksion të fushatës për zgjedhjet e 25 Prillit. Skandali u zbulua nga Lapsi.al.

Një database me të dhënat e mbi 910 mijë votuesve, përfshirë këtu një sërë emrash të njohur të gazetarëve si Blendi Fevziu, Ylli Rakipi, Mero Baze, Fatos Lubonja, Andi Bushati, Armand Shkullaku, Arjan Cani e Eni Vasili, janë të skeduar me preferencat politike dhe shanset se për kë do të votojnë me 25 prill.