Akuzat e Berishës për bisedat në ”EncroChat”, Balla: T`i adresojë në prokurori

Drejtuesi politik i PS-së për Diasporën, ministri Taulant Balla është pyetur në një intervistë televizive për akuzat e Sali Berishës, i cili ka thënë se emri i tij në bisedat ”EncroChat” të grupeve kriminale.

”Unë jam personi që Sali Berishën e kam akuzuar shpesh, por nuk kam bërë si ai që akuzat i kam lëshuar në ajër, por i kam dërguar në prokurori. Zotëria, nëse ka një akuzë për mua, të shkojë ta adresojë në institucion.

Kushdo që ka një akuzë, të bëjë atë që kam bërë unë. Në këto 20 vite në politikë, për çdo akuzë që kam shprehur, i jam drejtuar institucionit të drejtësisë.

I jam drejtuar për kallëzime penale kur është bërë fjala për korrupsion, i jam drejtuar edhe kur është bërë fjalë për shpifje. Ky është standard që e kam vendosur. Të përballesh me Sali Berishën merr kostot përkatëse, por do të vazhdoj ta bëj”, tha Balla.