“Algoritmet ushqejnë frikën dhe urrejtjen”/ Rama ndan mesazhin e filozofit Harari

Kryeministri Edi Rama ka shpërndarë në Facebook një video të historianit dhe filozofit Yuval Noah Harari, i cili flet për ndikimin e algoritmeve të rrjeteve sociale në sjelljen e njerëzve.

Rama e ka shoqëruar videon me mesazhin: “Shkurt e qartë për algoritmin”, duke e cilësuar Hararin një nga mendjet më largpamëse të kohës.

Sipas Hararit, algoritmet e platformave si Facebook, X dhe TikTok nuk janë krijuar për të promovuar të vërtetën apo besimin, por për të rritur angazhimin e përdoruesve. Ai thekson se frika, urrejtja, zemërimi dhe lakmia janë emocionet që i mbajnë njerëzit më gjatë online.

Harari paralajmëron se ekspozimi i vazhdueshëm ndaj këtyre emocioneve krijon një shoqëri të “hiper-angazhuar” dhe të mbingarkuar emocionalisht, duke argumentuar se njerëzit nuk janë të ndërtuar për të jetuar në një gjendje të tillë tensioni gjatë gjithë kohës.