Alibeaj për faqen e Kuvendit: Fushatë krah PS, vepër e pastër penale

Enkelejd Alibeaj, drejtues i partisë ”Djathtas 1912”, pjesë e koalicionit ”Djathtas për Zhvillim” ka denoncuar një postim në faqen e Kuvendit të Shqipërisë, ku bëhet fushatë për numrin 5 dhe PS.

Teksa ka postuar fotografinë e kapur nga faqja e Kuvendit, Alibeaj shkruan se organi me i lartë që presupozohet i të gjithë shqiptarëve, është hedhur në fushatë. Ai vijon më tej duke shkruar se kjo fotografi që kishte postuar Kuvendi është vepër e pastër penale dhe dënohet me ligj.

”Kuvendi i Shqipërisë, bën fushatë për numrin 5?! Dmth organi me i lartë që presupozohet i të gjithë shqiptarëve është hedhur në fushatë! Kjo është VEPËR PENALE e pastër”, ka shkruar Alibeaj.