Alibeaj: S’kemi financime, fushatën e bëj me pagën time

Kreu i partisë ”Djathtas 1912”, Enkelejd Alibeaj thotë se për fushatë nuk kanë financime, dhe se do ta mbulojë me pagën e tij.

Enkelejd Alibeaj: Financime nuk kemi, Zero!

Gazetari: Si ia bëni?

Enkelejd Alibeaj: Paga ime. ”Djathtas 1912” duke qenë subjekt i ri. Për shkak dhe të ligjit i cili në këtë moment është jo i barabartë nuk jem asnjë financim e kontributet janë personale.

E konsideron pozitive për arenën politikë futjen e partive të reja të cilat duket se po mbështeten dhe nga shqiptarët. ”Profilet dhe koalicionet e reja pak e nga pak po futen në arenën politike. Një nga synimet është çarja e sistemit politik bipolar po përgjigjen dhe shqiptarët”.