Alibeaj: Vjen një moment kur protesta shndërrohet në motiv në vetvete…

Njerëzit, deri dje të panjohur me njëri-tjetrin, sot, pas vetëm katër ditësh, kanë ndërtuar atë solidaritet njerëzor që prej kaq shumë kohësh e kishin harruar se ekzistonte brenda tyre. As shiu i perëndisë dhe as uji i me presion i qeverisë nuk i zmbrapsi.

Shqiptarët, në këtë protestë, kanë gjetur, më në fund, njëri-tjetrin dhe arsyen e fuqishme për t’i dalë zot Shqipërisë. Kjo ka të krahasuar vetëm me 1990 që lëvizi themelet e një epoke. Por nëse atëherë gardhi i policisë te Ura e Lanës nuk u kalua, sot ai u rrëzua. Dhe kjo është shumë më tepër se një metaforë. Është një vetëdije e re që po lind, jo me heshtje, por me zë, me mendje, me zemër e me trup të pranishëm në shesh.

Tashmë nuk kam asnje dyshim se nesër do të jenë më shumë!

Dhe më të bukur.