Ambasada Amerikane: Jemi ende me ju! Do ndihmojmë me 100 milionë dollarë miq si Shqipëria

Ambasada Amerikane në Tiranë deklaron se SHBA do të ndihmojë Shqipërinë financiarisht në këtë moment të vështirë, me koronavirusin që po shkakton viktima si edhe dëm ekonomik.

“SHBA ka caktuar deri në 100 milionë dollarë për të ndihmuar miq si Shqipëria dhe të tjerë, për të luftuar COVID 19.

Kjo në kuadër të një asistence më të gjerë, që ka shërbyer në ndërtimin e kapacitetit dhe në forcimin e infrastrukturës.

Ne do ta kalojmë këtë së bashku, si gjithmonë. Jemi ende me Shqipërinë”, shkruan ambasadorja Yuri Kim në një postim në Twitter.

Fondi prej 100 milionë dollarësh do të shpërndahet nga USAID për vendet që po përballen me vështirësi në përballimin e koronavirusit.