Ambasada Amerikane, paralajmërim të fortë për zyrtarët dhe bosët e krimit: Po u vjen fundi

Ambasada Amerikane në Tiranë, me anë të një videoje, na tregon se si do të funksionojë Struktura e Posaçme Antikorrupsion, SPAK.

Kjo është një video paralajmëruese për ata që i quan “bosët e krimit dhe zyrtarët e korruptuar që ditëve të shkuara ishin të paprekshëm”.

“Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën.

Lufta kundër korrupsionit është prioritet i punës së Ambasadës së Shteteve të Bashkuara në Tiranë. Këtë javë, mësoni se si Struktura e Posaçme AntiKorrupsion dhe Krim i Organizuar, ose SPAK, do të funksionojë.

Me t’u ngritur, do të shënjestrojë korrupsionin e nivelit të lartë. Kjo video tregon se si mbështetja prej 2 milionë dollarësh nga Shtetet e Bashkuara po përdoret për të siguruar që SPAK do të ngrihet dhe do të funksionojë në mënyrë të pavarur.

#ShqiperiaLuftonKorrupsionin #NdalKorrupsionit’, thuhet në një reagim të ambasadës së SHBA në Tiranë.

Në vijim gjeni videon shpjeguese