Ambasadori i SHBA-së në NATO viziton Shqipërinë, takim me trupat shqiptare dhe amerikane

Ambasadori i Amerikës në NATO, Matthew Whitaker, zhvilloi këtë të premte një vizitë në ambasadën e SHBA-së në Tiranë.

Gjatë takimit, ambasadori Whitaker u prezantua me marinsat dhe punonjësit amerikanë dhe shqiptarë që kanë shërbyer në operacionet e NATO-s në Afganistan dhe Irak.

Në njoftimin e saj, Ambasada e SHBA-së në Tiranë theksoi rëndësinë e partneritetit mes Shqipërisë dhe SHBA-së në mbrojtjen e vlerave të përbashkëta.

“Patëm kënaqësinë të mirëprisnim në ambasadën tonë Ambasadorin e Shteteve të Bashkuara në NATO, Matthew Whitaker, dhe ta prezantonim atë me marinsat tanë dhe punonjësit amerikanë dhe shqiptarë që kanë shërbyer në operacionet e NATO-s në Afganistan dhe Irak. Ne e vlerësojmë partneritetin mes vendeve tona në mbrojtje të vlerave tona të përbashkëta”, njoftoi ambasada amerikane në Shqipëri.