AMP nxjerr raportin e gjashtëmujorit të parë 2026, rritet transparenca mbi aktivitetin mbikëqyrës

Agjencia e Mbikëqyrjes Policore (AMP) ka publikuar raportin statistikor për periudhën janar–qershor 2026, duke sjellë një panoramë të aktivitetit të institucionit gjatë gjashtëmujorit të parë të vitit.

Sipas AMP-së, publikimi i raportit është pjesë e angazhimit për rritjen e transparencës institucionale dhe informimin e publikut mbi punën e kryer në mbikëqyrjen e veprimtarisë së strukturave të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat.

Raporti statistikor përmban të dhëna mbi veprimtarinë e AMP-së gjatë periudhës janar–qershor 2026, duke përfshirë treguesit kryesorë të punës së institucionit, ecurinë e rasteve të trajtuara dhe rezultatet e arritura në ushtrimin e kompetencave ligjore.