Një tjetër tërmet me magnitudë 4.8 ballë të shkallës rihter është regjistruar në orën 22:00 nga rrjeti sizmologjik i Institutit Gjeodinamik të Observatorit Kombëtar të Athinës.
Epiqendra e tërmetit ndodhet në zonën detare, 20 km. SSE i Arkesinit, Amorgos. Brenda dhjetë minutave u regjistruan edhe dy tërmete të tjera me magnitudë 4.3 ballë të shkallës Rihter.
Pasditen e kësaj të marte ndodhi tërmeti më i fortë që prej ditës së shtunë, kur ka nisur fenomeni, me magnitudë 5 ballë të shkallës Rihter, me epiqendër në jug-jugperëndim të Arkesinit dhe thellësi fokale 13.2 kilometra.
Lëkundjet sizmike ishin të forta, duke bërë që banorët e Amorgos të largoheshin nga shtëpitë e tyre dhe, duke marrë makinat e tyre, të lëviznin drejt maleve dhe pjesëve më malore të ishullit.
Shumë banorë ndodhen në port, duke vazhduar për të tretën ditë të braktisin Santorinin.