Ardi Veliu në Komision, deputetët e PD-së: Kriminel që manipuloi vrasjen e Learit

Prezenca e Ardi Veliut këtë të premte në Komsionin e Sigurisë Kombëtare, ku kreu i Agjencisë së Mbikëqyrjes Policore ishte për të prezantuar projektbuxhetin e vitit 2023, shkaktoi një debat të fortë dhe momente tensioni.

PD-ja ka kërkuar shtyrjen e mbledhjes për një ditë tjetër, duke e cilësuar Ardi Veliun si ”kriminel me uniformë që manipuloi vrasjen e Leart Kurtit”. Kërkesa e opozitës nuk u pranua nga kryetari i Komisionit, deputeti i PS-së, Nasip Naxho me argumentin se kjo mbledhje parashikohet nga rendi i ditës.

Deputetët demokratë, Ervin Salianji dhe Flamur Noka ishin ata që kundërshtuan fort seancën, duke thënë se Veliu duhet të përgjigjet për vdekjen e Lear Kurtit.

Të martën në këtë Komision ishte edhe drejtori i Përgjithshëm i Policisë, Muhamet Rrumbullaku, tha se është i gatshëm të japë shpjegime brenda 48 orëve, por që afati ka kaluar dhe ende nuk ka jë qëndrim zyrtar të tij për këtë ngjarje që nxiti edhe protesta në vend.