Arrestohen dy persona në Durrës, në kërkim për mashtrim dhe kultivim narkotikësh

Policia gjatë 24 orëve të fundit ka ndaluar 2 shtetas të shpallur në kërkim për kultivim narkotikësh dhe mashtrim.

Është arrestuar shtetasi L. U., 34 vjeç, të cilit i është caktuar masa “Arrest me burg” për veprën penale “Kultivimi i bimëve narkotike”.

Po ashtu, është vënë nën pranga shtetasi me inicialet B. H., 36 vjeç, i cili me anë të mashtrimit i ka marrë një shumë parash shtetasi V.B., banues në Shijak.

Njoftimi i policisë/ Durrës

Vijon puna për kapjen e personave në kërkim kombëtar dhe vënien e tyre para përgjegjësisë penale.

Ndalohen 2 shtetas të shpallur në kërkim për vepra të ndryshme penale.

Specialistët për Hetimin e Krimeve në Komisariatin e Policisë Durrës ndaluan shtetasin L. U., 34 vjeç, banues në Durrës, pasi Gjykata e Shkallës së Parë Durrës i ka caktuar masën e sigurisë “Arrest në burg”, për veprën penale “Kultivimi i bimëve narkotike”.

Specialistët për Hetimin e Krimeve në Komisariatin e Policisë Krujë, në bashkëpunim me shërbimet e Komisariatit të Policisë Nr. 6 Tiranë, ndaluan shtetasin B. H., 36 vjeç, banues në Shijak, Durrës, pasi me anë të mashtrimit i ka marrë një shumë parash shtetasit V. B., 44 vjeç, banues në Shijak, Durrës.

Materialet i kaluan Prokurorisë së Rrethit Gjyqësor Durrës, për veprën penale “Kultivimi i bimëve narkotike”, në ngarkim të shtetasit L. U., dhe Prokurorisë së Rrethit Gjyqësor Krujë, për veprën penale “Mashtrimi”, në ngarkim të shtetasit B. H.