Arrestohet në Rinas, pjesë e grupit të “Lazaratit”

Policia ka arrestuar në Rinas një person që ishte shpallur në kërkim për kultivim kanabisi. Beqo Brahimi është dënuar në mungesë me 8 vite burg si pjesë e grupit të ‘Lazaratit’

Në orët e mbrëmjes, Policia Kufitare e Rinasit, pas informacionit të marrë nga Zyra Qëndrore Interpol Tirana, se një i kërkuar për veprimtari kriminale në fushën e narkotikëve po vinte me avion nga Belgjika për në Rinas dhe aty mund të prezantohej me dokumenta të falsifikuara, bëri arrestimin e shtetasit shqiptar B.B., 30 vjeç, lindur në Gjirokastër.

“Ky shtetas ishte shpallur në kërkim në bazë të Vendimit Penal nr.269 dt.05.06.2015, të Gjykatës së Krimeve të Rënda Tiranë, e cila kishte caktuar masën e sigurisë “Arrest në burg” për veprën penale “Prodhimi dhe shitja e narkotikëve” kryer në bashkëpunim.
Gjithashtu po për këtë shtetas, Gjykata e Shkallës së Parë Lushnje, ka caktuar masën e sigurisë “Arrest me burg”, për veprën penale “Prodhimi dhe shitja e narkotikëve””, njofton policia.