ARRSH: Nga nesër devijohet trafiku i automjeteve në këto zona

Autoriteti Rrugor Shqiptar ka njoftuar se nga data 2 qershor në orën 11:00 deri në 16:00 trafiku në kryqëzimin e Surrelit do të bllokohet përkohësisht në rrethrrotullimin e Shkozës për rrugën “Alajdin Frashëri” pasi do të asfaltohet.

ARRSH njofton se në këto pika do të vendosen sinjalistika të përkohshme për devijimin dhe orientimin e trafikut.

Njoftimi i ARRSH:

Në Unazën Lindore Loti 2, në përputhje me grafikun e punimeve do të fillojnë punimet e asfaltimit në rrugën “Alajdin Frashëri”
Duke filluar nga data 02.06.2022, ora 11:00 deri në orën 16:00, trafiku do të devijohet në kryqëzimin e Surrelit dhe do të bllokohet përkohësisht në rrethrrotullimin e Shkozës për rugën “Alajdin Frashëri” që do të asfaltohet.
Në këto pika do të vendoset sinjalistika e përkohshme për devijimin dhe orientimin e trafikut në kryqëzimin e Surrelit në drejtim të Farkës dhe bllokim rruge në rrethrrotullimin e fundit në Shkozë, ku kalimi do të behet në drejtim të Unazës.
Bashkëlidhur skema e rrugës “Alajdin Frashëri” që do të asfaltohet, me zonën ku do të kryhen punimet dhe pikat e devijimit të trafikut
Kërkojmë mirëkuptimin e përdoruesve të rrugës dhe drejtuesve të mjeteve.