Artan Hoxha: Vangjush Dako është njeriu më i rëndësishëm pas kryeministrit

Gazetari Artan Hoxha tha në “Opinion” te Blendi Fevziu se ish-kryebashkiaku Vangjush Dako mbetet njeriu më i rëndësishëm në mazhorancë pas kryeministrit Edi Rama.

Ndaj arrestimi i tij, ndonëse fletëarresti është firmosur të premten në darkë, është bërë me ndikim të ndërkombëtarëve. Sipas Hoxhës, ish-kryebashkiaku është njeriu që lidh botën e politikës së nivelit të lartë me botën e krimit të organizuar.

Ndaj nga nata e së premtes që u firmos arresti, ka patur ndërhyrje nga politika e lartë, por në fund u arrestua.

Sipas gazetarit investigativ lajmi nuk është akuza, por fakti që u fut në qeli, sepse ka patur shumë presion nga lart që të mos pritej fletëarresti.