Arvizu lë Shqipërinë, vjen Donald Lu

Njëri shkon dhe tjetri vjen. Aleksandër Arvizu largohet nga Shqipëria duke marre me vete dhe me kujtimet e vizitës në burgun famëkeq të Spaçit për ti lënë vendin pasardhësit të tij.

Pak orë pasi bëri publik në facebook vizitën e tij në burgun e Spaçin, ambasada amerikane përmes një postimi po në facebook informon se Donald Lu u betua gjatë një ceremonie zyrtare në Departamentin e Shtetit të Sh.B.A.

Gjatë fjalës së tij, Ambasadori i ardhshëm Lu tha se “Shqipëria është një aleate e afërt dhe një mike e Shteteve të Bashkuara. Unë do të punoj çdo ditë në mënyrë që të sigurohem që kjo aleancë dhe miqësi të arrijë pritshmëritë ambicioze që amerikanët dhe shqiptarët ndajnë me njëri-tjetrin. Ne jemi dhe gjithnjë do të mbetemi dy popuj pafundësisht të përkushtuar ndaj demokracisë, lirisë së qytetarëve, dhe sundimit të ligjit.”