Atentati në Mirditë, Drejtori i Policisë: Kemi një të shoqëruar, kemi dhe pistë hetimi, por…

Drejtori i Policisë në Mirditë, Ermal Muça ka folur për atentatin që ndodhi mëngjesin e ditës së sotme në fshatin Ndërfuzhaz të Mirditës, ku mbeti i vrarë 65-vjeçari, Viktor Bardhi.

Muça tha se njoftimi i parë për ngjarjen në sallën operative erdhi në orën 08:55 dhe se 20 minuta më pas u gjet makina e djegur në fshatin Rrejë.

“Rreth orës 8:55 jemi njoftuar në sallën operative jemi njoftuar për një ngjarje të rëndë të ndodhur në Ndërfushas. Dhe kemi ndërtuar grupin hetimor, kemi ardhur në vendngjarje dhe nga veprimet e para hetimore ka rezultuar që një shtetas është vrarë në automjetin e tij. Është shtetasi Viktor Marku, datëlindja 1961 dhe ndërkohë jeni edhe vetë prezentë, po bëhen dhe të gjitha veprimet hetimore. Rreth 20 minuta pas ngjarjes në fshatin Rrejë, është djegur një automjet, ku është ngritur një grup hetimor i dyte dhe po sqaron rrethanat e rastit. Po fiksohen të gjitha provat, po pyetën të gjithë dëshmitarët dhe do kemi një njoftim të dytë sapo të kemi diçka të re në lidhje më ngjarjen. Kemi një të shoqëruar dhe pistë hetimi kemi, por nuk mund ta ndajmë në këtë moment me mediat. Në makinën e djegur nuk janë gjetur armë”, u shpreh Muça.