Avokati i Altin Ndocit mohon akuzat: Klienti im i shokuar, shkoi në varrimin e dy vëllezërve Haxhia

Gjykata e Durrësit dha sot masën e sigurisë “arrest me burg” për Altin Ndocin 33 vjeç dhe Klevis Alla 22 vjeç. Ata akuzohen dhe për vrasjen e vëllezërve Viktor dhe Besimir Haxhia në 27 mars dhe Anxhelo Avdiaj dhe Dorian Shkoza në 2 mars 2020.

Ndërkohë avokati I Ndocit, Saimir Visha deklaron se klienti I tij ka mohuar të ketë lidhje me vrasjen, madje ka shkura dhe në ceremoninë e varrimit të dy vëllezërve.

“Ndihet i shokuar pasi me dy viktimat ka pasur lidhje shoqërore miqësore e familjare. Ka shkuar dhe në varrim dhe pë të tretat dhe ndihet i shokuar përse i është vënë gishti. Ai nuk është autori i veprës penale pë të cilin akuzohet” tha Visha në një prononcim për median sapo doli nga gjykata.

Sipas avokatit prokuroria nuk paraqiti asnjë provë që implikonte klientin e tij me vrasjen e 2 vëllezëve Haxhia të ndodhur në tregun e makinave në Shën Vlash të Durrësit.