Balla: Rama u dhunua me urdhër të Berishës, e thotë Izet Haxhia

Në sallën e Kuvendit është ndezur një debat në lidhje me vitin 1997.

Kjo erdhi pasi ish- kryeministri Sali Berisha komentoi një intervistë të Edi Ramës në një televizion italian.

Rama tha se në vitin 1997 është dhunuar nga SHIK-u.

Por Berisha thotë se ai ishte krim pasioni.

Në përgjigje të deklaratës së tij, deputeti socialist, Taulant Balla tha se urdhrin për dhunën ndaj Ramës e ka dhënë Berisha, pikërisht për shkak se në atë kohë po niste nënshkrimi i një peticioni për largimin e Berishës si president.

“Sa i përket krimit të pasionit, ish- truproja jote, Izet Haxhia është dëshmia e dhunimit të intelektualit të pavarur, Edi Rama.

Ka qenë urdhër personal i yti. Ka ardhur koha që të përgjigjesh për akuzat që të ka bërë Izet Haxhia,” tha Balla.