Banesat me qira, rriten çmimet edhe në Fier. Shkak emigrantët

Në qytetin e Fierit, agjentët imobiliarë shprehen se pas periudhës së pandemisë së Covid-19, ka nisur një rritje e ndjeshme e çmimeve të banesave me qira. Sot këto çmime përllogariten të jenë rritur deri në 40% krahasuar me tre ose katër vite më parë.

Sipas agjentes imobiliare Arta Progonati, një nga arsyet kryesore të kësaj rritjeje është një trend i ri i vërejtur kohët e fundit: emigrantët që kthehen përkohësisht pranë të afërmve të tyre, po preferojnë gjithnjë e më shumë të marrin apartamente me qira afatshkurtër, në vend që të qëndrojnë në shtëpitë familjare.

Kjo prirje e re ka shtuar kërkesën dhe rrjedhimisht ka ndikuar në rritjen e çmimeve të qirave mujore, duke e bërë të papërballueshme për një pjesë të popullsisë lokale sigurimin e një banese.